Supply sa kuryente sa Sugbo nahulga sa strike diha sa Salcon

Supply sa kuryente sa Sugbo nahulga sa strike

GIHULGA karon ang supply sa kuryente sa tibuok Visayas dihang nisang-at kagahapon ang Salcon Power Independent Union (SPIU) og notice to strike aron pugson ang management sa pag-ila niini.

Nasayran kini dihang nag-abot ang mga opisyal sa Salcon Power Independent Union (SPIU) ug ang representante sa management sa buhatan sa National Conciliation and Mediation Board (NCMB) kagahapon sa buntag.

Sa sayo pa, nisang-at ang SPIU og notice to strike ug kon di magmalampuson ang gihimong mediation sa NCMB, posibleng masirado ang tibuok Salcon Power complex.

Apan ang tagdumala sa Salcon nagkanayon nga way modaog niining hulga nga welga ug niawhag hinuon sa unyon nga iatras ang notice to strike ug ipadayon ang gipahigayong mga dialog.

Ang SPC Power Corporation nag-supply og 200 megawatts alang sa Visayas grid.

Ang 200 megawatts equivalent sa 60 porsyento sa tibuok power supply sa lalawigan sa Sugbo.

Kon mawala ang 200 megawatts, siguradong maigo sa grabing kakulang sa power supply ang tibuok Visayas kon mapawong ang mga planta diha sa Salcon Power Complex sa Syudad sa Naga.

Apan samtang nalipay si Gaudioso Iso, presidente sa SPIU, niining kalambuan sa ilang tinguha nga ilhon na ang ilang union, nanghangyo ang tagdumala sa SPC Power Corp. nga maminaw sa rason ang unyon ug iatras ang tinguha niini nga magwelga.

Matod ni Iso, may mediator nang gitahasan aron dungguon ning ilang reklamo sa management human nisang-at nig petisyon nga imbalido ang presensya sa ilang grupo sa kompaniya.

Nisaysay siya nga sukad sa certification election sa Mayo sa milabayng tuig, may katungod na silang mopresentar sa ilang Collective Bargaining Agreement (CBA) nga naglatid sa mga kaayohan nga buot matagamtaman sa ilang mga kaubang empleyado.

Gitug-an niya nga napakgang kini dihang ang management nisang-at og petisyon nga nagtumbok nga imbalido ang ilang grupo apan nipadayag siya nga may order sila gikan sa Department of Labor and Employment (DOLE) nga giila silang “sole bargaining unit” sa Salcon.

Giklaro ni Iso nga di sila buot nga dunay gubot sa kompanya gituyo nig hulma aron magsabot sila sa mga kaayohan nga buot nilang matagamtam sa mga empleyado.

Apan gipasabot ni Alfredo Henares, bise presidente sa SPC Power Corp., nga ang pagwelga di subay sa interes sa management, mga mamumuo, ug sa Sugbo.

Di tinuod nga nibabag ang management sa tinguha sa unyon apan igo lang kining nihangyo nga tapuson una ang tanang legal nga proseso sa di pa hisgutan ang CBA.

Gani, gitun-an na sa SPC management ang CBA aron sa umaabot nga dialog kabahin niini kon matapos na ang legal nga kuwestyon diha sa Dole.

Nanghangyo lang mi og pagsabot ug pasensya, matod ni Henares.

“Ang unyon angayang makasabot nga ang mga hulga sa labor disruption wa masubay sa interes sa mga mamumuo kay mas makaaksyon ang kompanya sa mga demanda kon napahigayon kini subay sa pagsalig, dialog, ug productivity,” ingon pa ni Henares.

Labing importante, ang labor peace sa power sector maoy interes karon sa publiko ug di ang mga brownout tungod kay buot lang mailhan ang unyon.

“Management, labor, and Cebu are losers. Nobody wins in a strike,” matod ni Henares. (JECT)


(Marso 20, 2008 isyu)
Link sa esyo

waaaaaaahhhhhhhhhhh

STRIKE NASADDDDDDD
unsa naman ni oiiiiiiiiiiiii mag sge pata

ako ka commentaryo ani, pwera lang sa maayu bah.

Daghan naman daw adik diha sa sulod sa SALCON? kini gikan ni sa taga Colon pod, na resource person gihapon. Unsa naman lang ang mahitabo sa planta? Unya mga kawat diha nga dapit sa planta grabeh napod. Pasensya na daghan na-igo ani pero mao na ang tinood. Wala man ta manghilabot sa ilaha pero, we all know na dili na maayu. This should be stop. Atung Syudad sa Naga ang mag-antus ani. Kamo unsa man inyong kasulte ani?

"Wala man ta manghilabot sa ilaha pero, we all know na dili na maayu."agree jud ko nimo anang butanga...last month lang gani to nabalita naa napusilan solod sa SPC kay nangawat...gikan sa akong source diri kay adik man daw tong napusilan...

kon mag padayon sila anang ilang kinawatay basin ubay2x jud ang mapusilan sa mga security ani nya..

Agree au ko ana, kusog gyud kaau ang kawat diha sa sulod maka-attest gyud si Harold ni kay nagtrabaho ni siya diha sa-una.

Anyways, ang ilang gipangusgan ani sa ubangg empleyado sa SALCON kay marecognize ang ilang union sa management, sa akong huna-huna pwede ra man unta og wlay union, hinuon dli ta kabasol aning uban kay lagi ilang tan-aw nga gi-exploit man sila management, in good orders sake, pwede ra man unta nga storyahon dli lang ipaabot og welga-welga kay wla gyuy moda-og anang butanga hasta ang ubang taw mga sakripisyo pa.

As I understand ang kanang atung planta diha sa Syudad sa Naga, maayu mana. I mean, kanang state of the art sa akong nadunggan sa uban bah. I guess, if tarungon lang ug maintain ang planta "dili magpabaya" ang mga tawo labi na ang mga empleyado sa maong companya, seguro dili tengali hazard sa environment. Syempre designed gud na sa kana nga Power Plant. But if, as I said na pasagdan; ang resulta sa mga pagpabaya? Aw, klaro kaayu na mobuga ug dakung aso sa panghaw, ky wala man matarung ug sala ang mga hugaw. Hope unta magtinarung na ang mga empleyado sa Salcon, ky kita ra gyud mga lumulupyo ang mag-antus. Sayang, daghan man unta natabangan aning maong planta, nagpabaya o nag-abosar lang ang mga empleyado.

twistedfly wrote:

Agree au ko ana, kusog gyud kaau ang kawat diha sa sulod maka-attest gyud si Harold ni kay nagtrabaho ni siya diha sa-una.

Anyways, ang ilang gipangusgan ani sa ubangg empleyado sa SALCON kay marecognize ang ilang union sa management, sa akong huna-huna pwede ra man unta og wlay union, hinuon dli ta kabasol aning uban kay lagi ilang tan-aw nga gi-exploit man sila management, in good orders sake, pwede ra man unta nga storyahon dli lang ipaabot og welga-welga kay wla gyuy moda-og anang butanga hasta ang ubang taw mga sakripisyo pa.