Ako ning nabasahan sa lain na blog. nalingaw lang ko. nakahunahuna nga basin ganahan mo..
========
Samtang naglakaw si Canuto sa Colon kuyog sa iyang pangasaw-onon, sa wa lang damha nakit-an siya sa iyang karaang uyab. Milingiw unta siya apan…
Bidat: Uy, Canuts, mosta?
Canuto: (Molikay unta apan, nahawiran sa iyang ex-gf). Awww, kuan diay ila-ila mo. Si Biday, akong pangasaw-onon.
Bidat: Pangasaw-onon? Unya kahibawo na siya… Nga adtong otso anyos na-diagnose ka nga dunay allergic rhinitis, gani miburot ang imong sip-on atubangan sa akong Papa… Nga human nato og gradwar sa hayskul na-diagnose ka nga duna kay overactive bladder, gani nakaihi ka atubangan sa atong silingang doktor. Nga sa dihang nagtrabaho na ka, na-diagnose na pod ka nga asthmatic, gani gitabang man ka kay naglisod ka og ginhawa atubangan sa inyong company surgeon. Nga duha ka semana human ta magsabot nga magminyo na ta, na-diagnose na pod ka nga hypertensive ka, gani mi-collapse ka man sa dihang mibisita ta sa klinika.
Biday: (Misagbat kay wa na makaantos) Kahibawo na man ko ana tanan, mao nga mas nagkinahanglan siya sa akong pag-atiman ug mas pa nako siyang gihigugma.
Bidat: Aw, mao ba? Pero kahibawo ka ba nga niadto tanang panahona, kon di pa lang unta siya talawan, natuli na unta siya?
Biday: (Misinta ang tingog) Ay nganong wa man ka magpahibawo nako pisota ka!