Mga Balak Binisaya

ako'y una..

=======================
Ang Higala kong Ongo (Balak)

Ginama alang sa usa ka higala

May higala akong ongo.
dili siya ongo sa kabo.
dili sad siya dautan ug dawo,
pero siya ang pinaka-anyag nga ongo.

Kusog mokatawa bisag nagkalisod na.
Isog ug lig-on bisag nasakitan na.
Ipa-agi ug pahiyom ang iyang kagutom,
kay andam mo sakripisyo sa mga walay kaon.

Si ongo ang tipo sa babaeng mapahimuslanon,
Pagpahimos sa panahon nga kamo nagkaipon.
Kaniya, iya gyud kang higalaon.
Aron sa kanunay siya, imong mahandom.

Ug karon niabot na ang takna ug higayon,
ang adlaw nga sakit pamalandungon.
Mao kini ang adlaw nga akong gikabalak-an,
Nga siya dili na makita, kay siya mobiya na man.

Daghan na nga panahon nga kami nagkauban,
Nga nakapatik gihapon sa akong panumduman.
Bisag gub-on nila ang akong alimpatakan.
Dili kini makapapas kay ako kining inampingan.

Unsa pay laing paagi sa pagpakita sa kasubo?
Ang adlaw nga gikabalak-an, hapit na mahitabo.
Suginli ako nga bakakon, mahuyang, ug dautan.
Kung sa imong paglakaw dili ako masakitan.

Nagalaom ako nga sa tanang takna ug panahon,
Kitang duha, magpabiling suod ug malig-on.
Tungod kay ikaw karon ang naa sa akong panumduman,
Walay higayon nga ikaw akong makalimtan.
=====================================

Kahoy Ko, Kaugma-on Mo

Sa akong pagdula-dula ning bukid kung gipuy-an dili halayo sa payag kung natawhan
Nga akong nalantawan ang tambok nga panganod giduyan sa sabakan sa lunhawng kabukiran
Samtang ang mga kalanggaman nag-iyahay og pagpasilong sa mga sanga sa abuhon nga kahoy.
Nga kansang mga kaba-kaba padayon nagasayaw ibabaw sa mga bulak nga ilang gipanipa-an.
Pagka-anindot paminawon ang mga taghoy sa kalanggaman nga gawasnon naglupad-lupad ibabaw sa kakahuyan nga kansang bidlisiw sa haring adlaw nag-uhap-uhap sa uluhan sa mga kahoy, nga gihabulan sa mga bagang dahon. Ug samtang ang mga dahong laya padayon sa pagkalagas inubanan sa pagtayhop sa huyohoy nga hangin.
Ug gipadpad padulong sa nagduka nga sapa nga kansang mga awit sa mga kalanggaman og tingog sa dinaga-as nga tubig maoy akong nadungog.

Ug sa akong kakapoy bunga sa akong paglingaw-lingaw nidalikyat ko sa paglingkod aron pag-inum sa balon kung tubig aron tambalan kining akong ka-uhaw.
Samtang akong mga singot padayon nagtabisay inanay kining gitayhopan sa bugnawng og lab-as nga hangin.
Ako nakapanghupaw sa kamingaw sa palibot ilawom ning kahoy nga akong gipasilongan nga ang gakos sa kalinaw padayon naga-uban.
Ug dili hilayo sa akong nahimotangan ang hanay sa mga kahoy nga among gitamom ni Tatay
aron kini makatabang sa pagpugong sa mga dinahili sa bukid ug panagang sa mga buswak sa uwan
Aron kadtong among umahan sa ti-ilan sa bukid dili kini matabunan nga mao ray among gisaligan.

Ug sa akong pagyanghag ngadto sa bakilid, akong nakita ang puno-an sa mangga nga gipurong-purongan sa mga bunga ug gagmayng mga putot
Ka-anindot kining talan-awon kadtong mga kahoy nga gitanom namo ni tatay modako og mahimo kining hingpit nga kahoy
Aron sa ugma damlag, amo kining mapuslan.

Kung wala pa kining mga kahoy nga gitamon sa akong mga katigulangan.
Wala nasay kalambuan moabot ning among kabukiran kay sa ting-usbawan kini gihikawan.
Busa kining kahoy ato gyud kining ampingan ug taga-an dakong bili ning atong dughan.
Kay sa kahoy ko kini gisalig ang akong bugtong kaugma-on og natong tanan.

nindot sad ni imo balak 'pre dah!! tuo man sad ato luha ani (kahoy ko, kaugma-on mo), naa pa'y daghan diha, 'pre, hala palihug lang ta'g post diri para malingaw tah. "ang higala" nga balak laum sad ug igo dah,

ako nasab - kinit-an ra ning tanan..ug dili ni ako..


Balak Ni Inday

USA KA GABI-I
HAYAG ANG BUWAN
IKAW AKONG NAKAPLAGAN
NGA NAGLAKAW-LAKAW SA DALAN
OG TUNGOD LAGI KAY
KANIMO, AKO, DUGAY
NANG GANAHAN,
NAKAHUNA-HUNA AKO'G DA-UTAN;

AKO NGA NAGSAKAY
SA BISEKLETA KONG GITAY-AN
SA KALIT, AKO UNTA KANG BANGGA-AN
SA PAMASIN AKO IMONG HIMATIKDAN...
APAN SIGURO, SUGO SA KAHIGAYUNAN,
AKO NA DASMAG HINU-ON SA BASURAHAN!
AY, PAGKAPA-IT OG PAGKASAKIT HINUMDUMAN
KAY AKO, IMO PA GYUNG GI-KANCHAWAN...

PERO SIGE LANG
ILU-OM KO LANG ANG TANAN
AKO MAGA-AMPO NGA SA KADUGAYAN
KANAKO, IKAW, MAGANAHAN...
OG AKO NGA IMONG GITALIKDAN,
IMO NA UNYANG PAGA-DUPHAN!

BUSA DONG, ANGAY MONG MASAYRAN
NGA IKAW ANG HINUNGDAN
NGANO BUGAS NING AGTANG KO, NANAGHAN...
IKAW, DONG, ANG NAKA-INGON
AKO KARON NAHIMONG MABALAKNON...

HINA-OT, KINING
AKONG BALAK
IMONG MABASAHAN,
OG ANG TANAN
IMO RA UNYANG PAGA-BASULAN...

====================================
kani ka'y naay sagul horror!


Taytol: YAaaksss!!

USA KA GABI-I,
PAGBAGTING SA ALAS DOSE,
GIPUKAW KO'S AMONG MGA IRO;
INGON NILA; "BAAAWWOOOOO.."

NING GAWAS KO'S AKONG KWARTO
GI-SUGAT KO'S HANGIN NGA BUGNAW KAAYO;
WHISHWWW... GILUPAD-LUPAD SAMA SA BANDERA,
ANG PUTING KURTINA SA AMONG sala...

BLAG! SA ALTAR, NA-AY NATUMBA;
KARA-ANG black n' white NGA HULAGWAY SA 'KONG LOLA!
NA NGADYE DAYON KO'G AMAHAN NAMO,
ARON MAWAGTANG ANG MGA MULTO SA AMO...

APAN SA AKONG PAG-LINGI, NAKURAT KO;
KAY NAG TUYA-TUYA'G MAAYO,
ANG rocking chair NGA KABILIN SA 'KONG LOLO!
OG ANG GA-TAYBOG --- GINO-O KO! --- PARING WALAY OLO!

ANG AKONG BALAHIBO, NANG LIMBAWOT
OOOPPSSS... PATAY! NING KALIT OG brown out!
Lord God, UNSA NA NI;
MURA MAN NI'G ONGO-ONGO NGA SALIDA SA SINE...

KKRRINGG! .... KRRINGG!....
NAKURAT KO'S TELEPONONG NAGA-BAGTING
NANGUROG KONG NI TUBAG; "Hh-hello.."
"WWWOOOOOO" ----- NAAAY! TINGOG SA MULTO!

NING SUTOY KO'G DAGAN
PA-INGON SA KALIBUNAN
ANG KAHAYAG SA BUWAN
NING IWAG SA MGA DALAN...

NING TAGO KO'S DAKUNG PUNU-AN SA KAHOY
NAKA-DUNGOG KO'G NA-AY NANAGHOY
PAGHANGAD NAKO ---- UYYY!
AGTA NGA NANABAKO OG HUNSOY!

SA AKONG PAG-LINGI, NGE!
GAPADULONG NAKO NGA NAGA-NGISI;
White lady, KAPRE,
OG DUWENDE!

YAAAYKS! NING PADAYON KO'G DAGAN.
NAG-HANGOS. NAG-PANGLINGI NAG-DAGAN.
SA KA-KUYAW, AKO NAPANDOL. NATIKAYHANG.
NADAKPAN NU-ON KO'S MANANANGGAL OG ASWANG!

"KWIK-KIK... KWIK-KIK..." NING DU-OL OG APIL
ANG NANAG-chorus NGA MGA KWAKNIT, WAK-WAK,
OG KIK-KIK
AKO SILANG GIPANG-GITIK ---
PAKAPINAN SA AKONG KINA-KUSGANG flying kick!

DA! NANG LAGPOT SILANG TANAN!
NING PADAYON KO OG DAGAN.
NING ABOT KO SA BALAY
SA AMONG SILINGAN...

UY! HALA! NAKA-SULOD SA ILA SI Dracula!
PERTE NA GYUD NAKONG HADLUKA
APAN PAG-ANDO PA, SI Nong Kulas RA DI-AY
NGA NING-kiss SA LI-OG SA 'YANG ASAWA!

WHEW! NING ULI KO SA AMO
DALI KONG NAKA-BUKOT SA HABOL NGA DAKU
MAY BUGNAWNG KAMOT NGA NANGUHIT SA 'KONG TANGKUGO
PAGLI-LI NAKO ---- NGE! NAWONG SA ONGO!

APAN ANG AKO DI-AY TONG MAMA
NGA PERTE NANG SUKO-A
KAY GANIHA RA KUNO KONG GIPUKAW NIYA;
GANIHA RANG ----- ALAS DOSE Y MEDIA...

==============================
kamo napod..

kani ako suway lang hap...

NA LIGID SA BAKILID
kinit-an sa internet



KINING AKONG ESTORYA,
KATAW-ANAN; APAN DILI KOMEDYA...
MAHITUNGOD KINI KANI-ADTO,
DIHANG AKO, DIRIYOT NAMILIGRO...

AMBOT UNSANG HITABO-A,
KASINGKASING KO, NAGPATAKA LANG OG IYAHA...
PERTE GYUD NAKONG HADLUKA,
KAY SA AKONG HIGALA, HAPIT KO NAHIGUGMA...

KUNG MAKA-DUNGOG KO'S IYANG TINGOG,
AKONG TUHOD INTAWON MO KUROG!
KUNG MAKA-KITA KO'S IYANG NAWONG,
AKONG PANAN-AW DAW MURA OG MA-PAWONG!

OG DIHANG NAG-BISEKLETA KO
OG SIYA AKONG NA-KITA,
DIYOT KO NABANG-GA SA AKONG KA-KULBA!
SUS! NAHADLOK KO'G SAMOT SA AKONG GI-BATI;
KAY INI'G TAN-AW NAKO NIYA --- MO ANDAR AKONG KABUHI!

OG KUNG NA-A SIYA SA AKONG DU-OL,
AKO INTAWON MA GU-OL;
KAY BASI'G MO KALIT NA SAB KO'G KA-rattle,
MAKA-BANTAY UNYA SIYA NGA AKO SIYANG idol!

SUS-MAR-YUSEP. PASTILAN!
PA-ITA BAYA INING PERME LANG TANG MAKUYAWAN...

ANG AKONG HIGALA, NAGLIBOG OG NANGUTANA;
NGANO KUNONG MAHADLOK NAMAN KO NIYA?!
"AMBOT LANG", MA-OY AKONG TUBAG,
DAYON NING KALIT KO'G DAGAN ---- OOOPPS! NA DASMAG!

HAAAAYY... KALO-OY SA DIYOS,
ANG PAG-BATI KO, SA KADUGAYAN, NING HIYOS...

UNSA MAY GITAMBAL?
BASTA KAY DILI ININIT PINABUKAL!

UNYA, KINSA MAY NALIGID
DIDTO SA BAKILID?
---- BASTA KAY DILI
ANG BUKTOT SA BUKID....

@ reed,

"balak ni inday" pastilan and babaye na jud ang maibog sa mga lalaki karon, nabali na jud ang panahon, mao ni sulti ni iyo karpo sa una nga ma bali na ang kalibutan, hehehehe..

"yaakksss" agik-ik sad ko katawa ani dah!!!, reed 'pre, pwede ni ako i-forward sa akong mga contacts kung ok ra nimo? salamat kaayo in adbans

@jannarcher,

payts da ni imong "naligid sa bakilid" 'pre, mura man sad ug ako sa bata pa, ma-rattle kong makit-an si inday, hehehehe

@tiny - no probs..

@jannarcher ako nang tagalogon imong balak ha.. okay ra.. ani-a..
=======================================================
NA LIGID SA BAKILID (Gumulong sa Bangin)


KINING AKONG ESTORYA,
- ito ang aking kwento
KATAW-ANAN; APAN DILI KOMEDYA...
- nakakaaliw man pero hindi po ito biro.
MAHITUNGOD KINI KANI-ADTO,
- maraming mga taon na rin ang nagdaan
DIHANG AKO, DIRIYOT NAMILIGRO...
- nang muntik akong nalagay sa kapahamakan.

AMBOT UNSANG HITABO-A,
- ewan ko kung papano ba yon nangyari
KASINGKASING KO, NAGPATAKA LANG OG IYAHA..
- at ang puso ko'y di alam ang mga sinasabi. .
PERTE GYUD NAKONG HADLUKA,
- nanginginig na sa sobrang kaba
KAY SA AKONG HIGALA, HAPIT KO NAHIGUGMA...
-at sa kaibigan pa nagka-gusto itong si loka...

KUNG MAKA-DUNGOG KO'S IYANG TINGOG,
- sa tuwing maririnig ko ang kanyang boses
AKONG TUHOD INTAWON MO KUROG!
- tuhod ko'y nanginginig na parang may diabetes.
KUNG MAKA-KITA KO'S IYANG NAWONG,
- sa tuwing masulyapan ang mukha nyang kyut
AKONG PANAN-AW DAW MURA OG MA-PAWONG!
- paningin koy parang LEYECOng nag-brownout!

OG DIHANG NAG-BISEKLETA KO OG SIYA AKONG NA-KITA,
- at noong sa kalye ako ay nagbisekleta
DIYOT KO NABANG-GA SA AKONG KA-KULBA!
- sa sobra kong kaba muntik pa akong mabangga.
SUS! NAHADLOK KO'G SAMOT SA AKONG GI-BATI;
- SUSmaryosep! pakiramdam ko'y gusto kong titili
KAY INI'G TAN-AW NAKO NIYA --- MO ANDAR AKONG KABUHI!
- kapag tinitigan ko sya..hmmm gusto ko yatang ma-ihi.

OG KUNG NA-A SIYA SA AKONG DU-OL,
- at kung lalapit na sa akin si gigolo
AKO INTAWON MA GU-OL;
- ako naman ay sobrang kabado.
KAY BASI'G MO KALIT NA SAB KO'G KA-rattle,
- hala baka bigla na naman akong matataranta
MAKA-BANTAY UNYA SIYA NGA AKO SIYANG idol!
- at malalaman pa nyang sya'y aking pinapantasya.
SUS-MAR-YUSEP. PASTILAN!
- San Pedro, San Dayong, San Juan.
PA-ITA BAYA INING PERME LANG TANG MAKUYAWAN...
- ang hirap pala nitong aking nararamdaman.

ANG AKONG HIGALA, NAGLIBOG OG NANGUTANA;
- si kaibigang kyut ay nalilito na at nagdududa
NGANO KUNONG MAHADLOK NAMAN KO NIYA?!
- "bakit ka ba natatakot sa akin day jing ?"
"AMBOT LANG", MA-OY AKONG TUBAG,
- "ewan ko ba " ang sagot kong paduding.
DAYON NING KALIT KO'G DAGAN ---- OOOPPS! NA DASMAG!
- kumaripas ako ng takbo --- waah ako ay NADAPA!

HAAAAYY... KALO-OY SA DIYOS,
- haay . Mahabaging Diyos na puno ng awa.
ANG PAG-BATI KO, SA KADUGAYAN, NING HIYOS...
- ang naramdaman ko'y sa katagalan ay nawala.

UNSA MAY GITAMBAL?
- papano ko nga ba yon nalimot?
BASTA KAY DILI ININIT PINABUKAL!
- nakahanap yata ako ng ibang kyut!

UNYA, KINSA MAY NALIGID DIDTO SA BAKILID?
- teka, sino nga ba ang Gumulong sa Bangin?
BASTA KAY DILI AG BUKTOT SA BUKID....
- Si Kyut, nagdilim ulit kasi ang aking paningin!

kalingaw anang inyung mga balak..
naa ko'y e-apil; kini dili balak peru asoy o sulat ni ngadtu sa usa ka higala - ari lang nku ebutang ky pinulunganbisaya man pod ni siya.. kinit-an sa enternet..

Taytol: Kompyuter Ilitireyt

Bay,

Nauso na karon kining Internet. Miduaw ko og usa ka Internet café, Bay. Bugnaw ra ba kaayo ang sulod sa café, Bay, mora'g full blast ang aircon. Nakita nako ang labaw sa napulo ka kompyuter. Usa ra ang bakante ug mao kadto ang akong gigamit.

Pastilan, lingawa nako, Bay. Nakat-on ko'g chat sa mga wala hiilhing mga tawo dinhi sa Sugbo ug sa nagkalain-laing dapit sa kalibutan. Duna'y mi-estorya nako, Bay, nangutana siya, "CTC?" Pastilan, Bay, ihalas man ko aning chat. Abi nako'g cover to cover ang kahulugan sa CTC, diay to, care to chat diay. Busa, mitubag ko og, "Sure!" Pastilan, Bay, nangutana na man pud siya, "ASL?" Nagnganga na lang gud ko atubangan sa monitor, Bay. Na-unsa man ni, puro man ni shortcut ang extoryahanay sa chat! Pwerte niyang katawaa, Bay, nga ako siyang giingnan kung kahulugan sa ASL, ambot sa langaw ba. Gipasabot ko niya nga ang ASL nagkahulugan sa age, sex, and location. Mao kini ang sarang ipangutana sa imong bag-ong maka-chat.

Daghan mi'g naabot sa among estoryahanay, Bay uy. Pastilan, puro lagi shortcut. Pananglit, ang "you are" mahimo na lang "u r". Dayon, ang "I see" mahimo na lang "i c". Tinapolan man gyud ni, Bay. Pastilan.

Pastilan, Bay, miingon akong ka-chat nga mangihi kuno siya. Mi-type siya og "BRB". Pagkaluag na sa iyang pantog, nangutana ko'g unsa'y pasabot sa BRB. Be right back diay ang pasabot, Bay. Nahimuot gyud siya nako, Bay, kay ni-type man siya og "LOL", pasabot laughs out loud. Usahay pud, mo-type pud siya og "ROFL", pasabot rolling on the floor laughing.

Pastilan, Bay, ang mga lihok sa imong ka-chat imo na lang basahon sa screen tungod kay tua man sila sa layong dapit. Naglisud ko'g imagine kung unsa'y dagway sa akong ka-chat, Bay. Pastilan baya, Bay no? Basin gwapa to siya, o libat, o baho og baba, o gahubo ra...wala ko masayod. Screen ra akong gi-atubang, Bay.

Akong gipahibalo ang akong ka-chat bahin niining kalisud. Busa, mipadala siya og letrato. Pastilan, Bay, dalia rang miabot! Wala ra'y 30 segundos, nakita na nako ang iyang hulagway sa monitor sa computer. Bati man diay og nawong, Bay. Pastilan! Busa, miingon na lang ko'g, "GTG", pasabot got to go. Adto na ko. Ingon siya nga magpadala na lang siya og e-mail nako. Nitando ra pud ko.

Tuod man, Bay, pag-abli nako sa akong mailbox mga pipila ka minuto ang milabay, tua na sa sulod nag-atang ang iyang suwat. Pastilan no, kung iya pa tong gipadala sa koreo, tingali sunod buwan pa nako madawat ang iyang sulat.

Wala ra nako bawsi ang iyang sulat, Bay, kay basin ma-develop unya siya nako. Gwapa ra ba unta siya, pero may depekto lang sa iyang nawong. LOL

Ang imong higala,

Emong

jannarcher wrote:

ako'y una..

=======================
Ang Higala kong Ongo (Balak)

Ginama alang sa usa ka higala

May higala akong ongo.
dili siya ongo sa kabo.
dili sad siya dautan ug dawo,
pero siya ang pinaka-anyag nga ongo.

Kusog mokatawa bisag nagkalisod na.
Isog ug lig-on bisag nasakitan na.
Ipa-agi ug pahiyom ang iyang kagutom,
kay andam mo sakripisyo sa mga walay kaon.

Si ongo ang tipo sa babaeng mapahimuslanon,
Pagpahimos sa panahon nga kamo nagkaipon.
Kaniya, iya gyud kang higalaon.
Aron sa kanunay siya, imong mahandom.

Ug karon niabot na ang takna ug higayon,
ang adlaw nga sakit pamalandungon.
Mao kini ang adlaw nga akong gikabalak-an,
Nga siya dili na makita, kay siya mobiya na man.

Daghan na nga panahon nga kami nagkauban,
Nga nakapatik gihapon sa akong panumduman.
Bisag gub-on nila ang akong alimpatakan.
Dili kini makapapas kay ako kining inampingan.

Unsa pay laing paagi sa pagpakita sa kasubo?
Ang adlaw nga gikabalak-an, hapit na mahitabo.
Suginli ako nga bakakon, mahuyang, ug dautan.
Kung sa imong paglakaw dili ako masakitan.

Nagalaom ako nga sa tanang takna ug panahon,
Kitang duha, magpabiling suod ug malig-on.
Tungod kay ikaw karon ang naa sa akong panumduman,
Walay higayon nga ikaw akong makalimtan.

Daghan kaayung salamat sa pagpatik dinhi sa akong sinuwat nga balak.
Unang nahipatik sa http://www.binisaya.com/content/ang-higala-kong-ongo-balak

sa tanan........BRAVO!!!!!!!!!!!

Ako nasad.......

Ang Turo’ng Kabaw
(Dante Villarico)

Usa ka hapon, ako untang kuha-on sa iyang gilunangan du-ol sa lapad kong umahan.

Ang kabaw nga kabilin sa akong amahan, katabang sa among pinginabuhi-an.

Dako ang akong kahingangha sa akong nakita, kay ang igdadarong kabaw nawala.

Nidagtom ang akong panan-aw sa kabalaka ug kakuyaw kung unsa nay nahitabo sa akong kabaw.

Sa hamubong higayon mo-abot na ang kagabhi-on, unsa nala’y akong gamiton sa pagdaro ugma pohon.

Wala ako mag-usik og panahon, akong gipangita dayon ang kabaw nga miembro na sa among pamilya

Gisuhid ko ang kasikbit nga umahan, kakahoyan ug ang kabukiran apan bisan tunob nalang wala koy nakit-an

Nagutana ako sa mga katawhan nga akong matagbo-an, kung wala ba sila makakita sa akong gipangita, “ang turong kabaw” nga akong pinalangga.

Nilapas ang tungang gabi-i pero sa pagla-om wala ako mawad-i , “ang turong kabaw” ma-oy nagpatigbabaw sa akong handuraw.

Ka-adlawon na, pero wala ako bati-a ug kaluya “ang turong kabaw” naglibot-libot sa akong huna-huna.

Gikan sa akong nahimutangan, tumoy sa kabukiran
nilugsong ako padulong sa silingang barrio
maghina-ut nga unta “ang turong kabaw” adto ko makita.

Sayo sa kabuntagon nagpangutana ako sa mga molupyo didto
apan usa ray tubag....”ambot ‘wa ko kabalo”.

Sa akong nadungog, gibati ko’g kaluya, kakapoy ug kagutom gibati ko na.

Gusto kong mopahuway ug mamahaw kay nisilang na ang adlaw.
Apan ang imahen sa akong kabaw ma-oy nagdagan-dagan sa akong handurawan.

Pila ray istorya, nakakita ako ug carenderia, nisulod ako ug nilingkod sa lamesa.
Masulob-on ug wala sa kaugalingon, nidu-ol ang selbedora ug nangutana..., “UNSAY IMO ‘NOY?”

Nitubag ako...,”KAPE LANG DAY”.

Samtang nagpa-abot diha sa lamesa....akong kaugalingon akong gipangutana, kung “ang turong kabaw” makaplagan ko pa ba?

Gi-obserbahan lang di-ay ako sa selbedora ug sa tag-iya sa cerenderia, tungod sa ilang nakita sa akong hitsura.

Pila kagutlo nidu-ol kanako ang tag-iya sa carenderia ug nagutana...,”GATASAN BAY?” nitubag ako..., “TURO”.

Nitubag ang tag-iya sa carenderia.....”GATASAN BA ANG KAPE, DILI ANG KABAW”.

di-a pay usa....

Tri-Sikad Driver ug ang White Lady nga taga-Luym (luyo menteryo)
(Dante Villarico)

Gisulod ko ang gagmayng kadalanan.
Gi-kontrata ko ang mga ginikanan hatud kuha sa ilang anak ngadto sa eskwelahan
Aron adunay segurong pasahero sa inadlaw kong trabaho.

Init ug ulan wala ko baliha tugnod ug alang sa iyang pamilya.
Apan bisan paman sa akong paninguha, mga panginahanglan dili matugma.

Gipatas-an ko ang akong pagbiyahe, gabi-i na siya ako mo garahe.
Bata, tigulang, buntis o ang nagtaki-ang, akong pasakyon basta moplite lang.

Usa ka adlaw human sa adlaw minatay, kalit nahawan ang mga tao kadalanan.
Minus na ang transaksyon kay nangandam para sa sunod nga okasyon.

Nagbahis-bahis ako sa gagmayng dalan basin pasahero akong makaplagan.
Nahiabot ako sa may sementeryo, kalit nga may nisinggit nga pasahero....”TRISIKAD!!!!”

Nalipay ako kay sa katapusan duna koy ika-puno sa akong abang.
Usa ka maanyag nga dalaga, kutis daw pursilana og lun-lun puti ang iyang bistida.
Unya ako siyang gipangutana.... “ASA KA DAY?”, nitubag siya...”LUYM!”.
Nibalibad ako kay ngit-ngit og daghang laba-ong ang dalan padulong didto.

Nagpakalu-oy ang babaeng puti’g bistida, mobayad kuno siya bisag pila.
Gidawat nako ang iyang hangyo, ug gidala ko siya padulong sa ilaha.

Ngit-ngit ang dalan ako gikulba-an kay bisag dyutay wala koy makit-an.
Nag-untol-untol sa laba-ong ang among gisakyan.
Apan bisan paman nagpabulhot ko og dagan.
Bisan sa pagliko wala koy giminoran.
Aron akong mabuntog ang akong kahadlokan

Sa kalit lang pamati ko mura’g niga-an, ug nili-li ko sa akong kiliran.
Dako ang akong katingala kay ang pasahero ko nahanaw na.
Nangurog ko sa kalisang ug namugnaw ang akong kalawasan.
Nisutoy ko ug dagan ug ang trisikad akong gibiyaan.

Nilabay ang usa kabulan, ug ang panghitabo hanap na sa akong panumduman.

Bulan sa Desyembre mosayo ko ug beyahe tungod sa mga tao nga mosimba ug gabii.
Ako ang kinasayohan aron sa pasahero unang masakyan.
Ug sa kalit lang usa ka singgit akong nadunggan...”TRISIKAD!!!”

Wala ko na aninawa kung kinsang bayhana,
basta nidiristu ko’g padagan sa iyang atubangan.
Namognaw ko ug sa kusog daw nawad-an kay ang babaye ma-o man ang White Lady
nga kaniadto nahanaw sa trisikad nga akong gidrayban.
Nahadlok ko’g nalisang ug sa tingog ko nawad-an.
Apan ang White Lady nipahiyum ug nisulti,
Kay nakahinundum man siya sa akong hitsura

Sa engkantohanong tuno siya nihangyo....
PASAKYA KO BEH!
BAYRAN TIKA BISAG PILA
PERO PAG- HINAY-HINAY HA
BASIN MAHULOG NASAD KO PAREHAS SA UNA.

Very funny ^^

and scary

@kaat indeed funny.